Debuxa a Diana Cazadora Betanzos

Título da actividade: Diana Cazadora (Debuxa e colorea)

Descrición da actividade:

Diana Cazadora é un fanzine participativo no que exploraremos a combinación de cores, destrezas plásticas e o debuxo.

Primeiro imprimiremos o fanzine que está á vosa disposición en PDF descargable que o teredes que imprimir polas dúas caras (aproveitamento do papel e sosteniblidade) . Unha vez impreso vemos que o fanzine consta de varias partes. Unha primeira parte explicativa dun elemento patrimonial de Betanzos: A fonte de Diana Cazadora, datada do ano 1867, na que se explica un pouco a orixe e o seu valor patrimonial. Outra parte na que se trata de experimentar a combinación de cores coloreando o interior da contorna de Diana Cazadora, outra parte e debuxar tendo coma exemplo a anterior imaxe e por último a interpretación persoal no debuxo.

Outros datos:

Diana Cazadora, na mitoloxía romana, deusa da caza, protectora da natureza e da Lúa. Na mitoloxía grega, a deidade leva o nome de Artemisa.

Fanzine é unha publicación artesanal, feito a man, simplemente fotocopiados ou con técnicas de impresión máis modernas. Están ligados aos medios de edición de baixo custe na que se publica de forma libre e directa para compartir diferentes expresións culturais.

Recursos Materiais:

  • Impresora
  • Tinta negra
  • 2 Papel A4
  • Rotuladores, pinturas, ceras de cores, etc

Bibliografía:

Torres Regueiro, X; García González, A.: As fontes no concello de Betanzos. A.C. Eira Vella, Betanzos, 2011

Webgrafía:

Patrimoniogalego.net Plataforma para a defensa do patrimonio cultural galego

PDF descargable:

Descargar: Diana Cazadora – Fanzine 01

+ Obradoiros Creativos:

Listaxe Obradoiros Creativos

Deixar unha resposta